Úkraínustríðið er að umbreyta vopnamarkaði heimsins

Úkraínustríðið er að umbreyta vopnamarkaði heimsins og setja Rússana út í kuldann.

Árásarstríð Rússa á Úkraínu hefur haft gríðarleg áhrif á vopnasölu Rússa. Ástæðurnar eru augljóslega að þetta stríð hefur afhjúpað hversu léleg rússnesk vopn eru. Fullkomnustu eldflaugavarnarkerfin S-400 taka niður eina flaug, flauginni sem grandar kerfinu. Pútin státaði af Kinzhal ofurhröðum flaugum sem áttu að vera ósigrandi en bandaríska Patriot kerfið skaut niður allar 6 flaugarnar sem stefndu á Kiev. Yfirburðir og nákvæmni vestrænna vopna er augljós. 2019 voru 31 ríki stórir vopnakaupendur rússneskra vopna en 2023 aðeins  12 og samdrátturinn 53% eða úr 21% af heimsmarkaði í 11% sem var annað sætið á eftir Bandaríkjunum sem eru með 42% markaðshlutdeild. Frakkar hafa hins vegar aukið söluna um 43% og náð öðru sætinu af Rússum. Indland hefur stórlega dregið úr vopnakaupum af Rússum og snúið sér til Frakklands og er stutt síðan Múdí hitti Macron og vopnakaupasamningur var frágenginn á orustuþotum og kafbátum. Áhrif Rússanna fara stöðugt minnkandi og æ færri vilja kaupa af þeim og má þar einnig nefna Serbana sem hafa snúið baki við Rússum og sótt um ESB aðild og snúið sér að Frökkum um vopnakaup. Serbar hafa einnig fordæmt stríðsrekstur Rússa á alþjóðavettvangi.

Vopnaiðnaður Rússa er með 3.8 milljónir manna í vinnu sem er yfir 20% af framleiðslustörfum landsins. Þar sem þjóðir hafa verið að stöðva vopnakaupasamninga og panta ekki meira falla tekjur og iðnaðurinn er ekki sjálfbær og sagður stefna í þrot og lifir á peningum ríkisins.

Bandaríkin selja vopn til 107 landa og er aukningin mikil. Líklegt er talið að Úkraína verði helsti söluaðili þróaðra dróna að stríði loknu. Úkraínustríðið hefur gjörbreytt stríðsrekstri þar sem ódýrir drónar eyðileggja rándýra skriðdreka og önnur stríðstól og eru þeir einnig komnir með dróna sem eru með gervigreind og finna skotmörkin sjálfir og eyða þeim. Úkraínumenn hafa einnig kynnt til sögunnar leiserbyssur sem taka niður flaugar, dróna og flugvélar í allt að tveggja kílómetra fjarlægð.

Rússar hafa misst hátt í 10 þúsund skriðdreka um 20 þúsund brimvarða bíla, yfir 30 þúsund flutninga og olíubíla, yfir 700 þyrlur og þotur og tala fallinna og særðra nálgast 800 þúsund. Auk þess er Svartahafsflotinn laskaður og óvígur. Lestarkerfin stórlega löskuð og allar samgöngur sem og stór hluti olíuhreinsistöðva og olíubyrgðastöðva. Bygginga- , húsgagna- og bílaiðnaður er að sigla í strand þar sem kaupmáttur almennings hefur hrunið og eftirspurn sömuleiðis. Verðbréf, skuldabréf og rúblan að missa allt sitt verðmæti og margir sérfræðingar telja að Rússar nái ekki að sigla í gegnum 2025 og verði gjaldþrota á miðju ári. Pútin virðist ætla að takast að koma Rússlandi í ruslflokk, missa nær öll viðskipti, vera með gjaldmiðil sem enginn vill. Samkvæmt könnunum eru aðein um 11% Bandaríkjamanna sem hafa samúð með Rússum eða hin svonefnda MAGA grúbba. Mikill meirihluti Bandaríkjamanna eða um 75% vill standa með Úkraínumönnum og hjálpa þeim að sigra Rússa. Á blaðamannafundi dagsins skoraði Pútin á Bandaríkjamenn í einvígi hvor þjóðin hefði betri flaugar og skotmarkið yrði Kiev. Þetta segir aðeins morðóður stríðsglæpamaður.

Notkun heimsins á jarðefnaeldsneyti vex stöðugt

Notkun heimsins á jarðefnaeldsneyti vex stöðugt

Heimsframleiðslan á hráolíu og olíafurðum miðað við desember 2023 mælt í tunnum á dag var  um 83 milljónir tunna á dag en um 66  milljónir þegar Kyoto bókunin var gerð 1997 um að draga úr útblæstri CO2.  Spár gera ráð fyrir um 114 milljónum tunna á dag 2030 eð 48 mb/d meira en 1997.

Bandaríkin hafa framleitt mest síðustu 6 árin eða um 13,3 milljónir tunna á dag. Þessi 10 lönd framleiða yfir 70% af heimsframleiðslunni (mb/d million barels per day eða tunnur á dag).

United States       13,308,000
Russia (OPEC+)      10,272,000
Saudi Arabia (OPEC)  8,950,000
Canada               4,990,000
Iraq (OPEC)          4,445,000
China   Asia         4,181,000
Iran (OPEC)          4,084,000
Brazil               3,585,000
United Arab Emirates 3,300,000
Kuwait (OPEC) Asia   2,644,000

Markmið samningsins Parísarsamningsins Sameinuðu þjóðanna (2015) er að stöðva aukningu í útblæstri gróðurhúsalofttegunda á heimsvísu og ná að halda hnattrænni hlýnun innan við 2°C. Samningurinn gerir ráð fyrir að aðildarríki meti stöðu sína á 5 ára fresti. Fyrsta matið fór fram árið 2023. Nú eftir að 2024 verður yfir 1.5°C þá telja vísindamenn að 2°C hækkun hitastigs  Jarðar frá iðnbyltingunni verði á næstu 7-10 árunum. Þegar sá múr verður rofinn mun enginn mannlegur máttur stöðva loftslagbreytingarnar.

Heimsframleiðslan á kolum var 8.9 milljarður tonna 2023 og eftirspurnin 8.7 milljarður tonna og hefur aldrei verið meiri. Kína notar langmest af kolum eða um 56%. Kínverjar og Inverjar nota saman yfir 70% af kolum heimsins.  

Heildarnotkun heimsins á gasi verður um 4,2 trilljónir rúmmetrar 2024 eða nánast helmingi meiri en frá Kyoto bókuninni 1997.

Orkugjafar heimsins en 85% er jarðefnaeldsneyti

Olía     38%
Kol      24%
Gas      23%
Grænir    9%
Kjarnorka 6%

Þrátt fyrir loftslagsráðstefnunar eykst notkun jarðefnaeldsneytis jafn og þétt og 2°C múrinn fellur fljótlega. Breska Náttúrufræðistofnun varar við afleiðungunum sem vöxtur CO2 veldur, sérstaklega súrefnisskorti hafanna sem mun valda víðtækum fiskidauða í lok aldarinnar.

Skuldlaus ríkissjóður gæti gert margt fyrir 140 milljarða vaxtagreiðslur

Þegar ríkisstjórnin tók við völdum haustið 2017 voru skuldir ríkisins 943 milljarðar kr. Nú eru skuldir ríkisins 1.790 milljarðar kr. Og stefna í 2.150 milljarðar kr. við lok tímabils fjármálaáætlunar 2029. Innan við 10% hallans er vegna jarðhræringanna á Reykjanesi.

Þetta árið er verið að greiða 117 milljarða í vaxtagreiðslur Ríkissjóðs og verða nær 140 milljörðum 2029. Þessi fjárlög eru með nálægt 59 milljarða halla.

Skuldlaus ríkissjóður gæti gert margt fyrir 140 milljarða, bætt heilbrigðiskerfið, hækkað laun, bætt stöðu öryrkja og eldri borgara o.m.fl.

Vinsældaslagur stjórnmálamanna kallar á aukin útgjöld sem er fölsk velmegun.

(Verg landsframleiðsla Íslands VLF er um  4300 milljarðar. Heildarvelta Ríkisins er um 1500)

Vaxtagreiðslur ríkissjóðs vegna ársins 2025 verða samkvæmt fjármálaáætlun 121,1 milljarður kr., sem er aukning frá árinu í ár sem gerir ráð fyrir 117 milljarða kr. vaxtagreiðslum ríkissjóðs. Árið 2029 verður árlegur vaxtakostnaður ríkissjóðs kominn upp í 139,2 milljarða kr.

Skuldir ríkisins eru nú 38% af vergri landsframleiðslu (VLF) ef miðað er við skuldareglu laga um opinber fjármál.
 Mikilvægt er að stöðva þessa skuldasöfnun sem fyrst og hefja niðurgreiðslu skulda. Það á að stefna að því markmiði að koma skuldum ríkissjóðs undir 20% af VLF. Er það mikilvægt fyrir jafn lítið og opið hagkerfi og það íslenska er sem er viðkvæmt fyrir efnahagssveiflum.

Stjórnlaus ferðamannastraumurinn kallaði á mikinn fjölda erlendra starfsmanna. Hefðu menn sett komugjöld til að stýra ferðamannastraumnum eins og Nýsjálendingar gerðu þá hefði húsnæðismarkaðurinn ekki farið á hliðina sem og heilbrigðis-, mennta-, og vegakerfið og verðbólga væri komin niður eins og í nágrannalöndunum. Háir vextir Seðlabanka leggjast þyngst á ungt barnafólk sem er að koma sér upp húsnæði en þeir skuldlausu og efnameiri finna ekki fyrir neinu.

Skuldlítill ríkossjóður er hvað mikilvægastur til að verja velferðarkerfin og halda sköttum niðri.

Tæknistríð stórveldanna er hafið og er grimmt, allt undir

Vesturlönd hafa yfirburði í tækni og kunnáttu til að gera bestu tölvukubbana (örgjafana) sem þarf fyrir bestu tæknina. Sá sem hefur bestu kubbana hefur yfirburði í allri tækni og sérstaklega mikilvægt í hernaði. Þetta er eins og hringurinn í Hringadrottinssögu, sá sem hefur hringinn hefur valdið. Sá sem hefur bestu tæknina og besta kubbinn hefur valdið.

Fyrir stuttu hætti TSMC í Taiwan að taka á móti pöntunum á AI tölvukubbum frá Kína. Á móti hættu Kínverjar sölu á málmunum;  germaníum (Ge 32) og  gallium (Ga 31) sem þarf til að gera tölvukubba. Á móti geta Bandaríkjamenn hætt að selja Kínverjum Silicon (Si 14) en 90% af hreinasta efninu kemur frá námu í Spruce Pine í Norður-Karólínu skammt frá Asheville og er lykilefnið í tölvukubbana. Bandaríkjamenn geta á stuttun tíma náð í hina málmana en germanium er aukaafurð við zink vinslu og gallium við bauxite og álvinnslu.

Mannshár er um 80.000 nm að þvermáli og í iPhone 18 Pro 2026 verður tölvukubbur símans með 2nm milli rása. Þetta er það öflugast sem verður í boði en þess er vænst að hámarkinu verði náð innan fárra ára sem er þá 1.1nm milli rása. (atom eru 0.1- 0.5nm í þvermál og vírus er um 100nm)

Talið er að Kínverjar geti náð á næstu árum 5-7nm en það þýðir að þeir eru ekki samkeppnisfærir við tæknivörur Vesturlanda né hernaðargetu og sama á við um Rússa.

TSMC í Taiwan (Taiwan Semiconductor Manufacturing Company) flutti út tölvukubba fyrir 184 milljarða Dollara 2022 sem er 25% af landsframleiðslu landsins. Þetta er ein helsta ástæða þess að Kínverjar ásælast Taiwan. TSMC notar búnað frá ASML Hollandi sem er fremst á þessu sviði. Nú vilja Bandaríkjamenn flytja framleiðsluna frá Taiwan til Bandaríkjanna og stjórna því hverjir fá aðgang að tækninni. Verið er að reisa fyrstu verksmiðjuna sem verður með 4nm kubba sem fyrsta skrefið. ASML Holding N.V (Advanced Semiconductor Materials Lithography)  er Hollenskt fyrirtæki stofnað 1984 og notar “extreme ultraviolet” (EUV) tækni en TSMC og ASML eru nánir samstarfsaðilar. Árið 2004 kom TSMC  fyrirtækið með 90 nm kubba á markað og  2026 koma 2nm.
Í nóvember var ASML fjórða verðmætasta fyrirtæki Evrópu og markaðsvirðið um 264 milljarða Dollara.

Þetta tæknistríð stórveldanna er hafið. Skortur Japana á olíu og góðmálmum leiddi til styrjaldar við Bandaríkin 7. des. 1941. Mun skortur Kínverja og Rússa á örgjöfum leiða til styrjaldar? Það er talið að það muni taka Kínverja áratugi að komast í 2-3nm kubba því tæknin er eins flókin og hún getur orðið og nú þegar búið er að loka á möguleika þessara þjóða að verða sér úti um tæknina þá breytist margt. Vestræn fyrirtæki eru öll að yfirgefa Kína eins og i-phone framleiðslan þar sem tölvukubbarnir verða ekki fluttir til Kína.

Síðan var Google að kynna Willow fiseindakubbinn sem margfalt öflugri en allar ofurtölvur til samans.

Óafturkræfar loftslagsbreytinga – fiskistofnar hverfa í lok aldarinnar

Óafturkræfar loftslagsbreytinga – fiskistofnar hverfa í lok aldarinnar

 Árið 2024 er árið sem meðalhiti Jarðar fer yfir 1.5^oC hækkun hitastigs frá iðnbyltingunni.

Loftslagbreytingar, meiri hiti, verri veður eða hærra sjávarmál eru minnsti vandinn, heldur yfirvofandi dauði hafsins vegna súrnunar og súrefnisskorts, dauða grænþörunga sem framleiða 50% af súrefni andrúmsloftsins.

Fimm sinnum hefur lífríki Jarðar þolað útrýmingu frá 75-95% allra tegunda. Allir þekkja loftsteininn sem grandaði risaeðlunum. Þar á undan voru þrír atburðir sem nánast gengu frá öllu lífi Jarðar. Þessir atburðir voru langvarandi eldgos sem ollu mikilli koltvísýringsmengun (fyrir 200, 250 og 360 milljónum ára). Sjórinn bindur CO2 en of mikið magn veldur súrnun hafsins og dauða grænþörunga sem framleiða 50% af súrefni andrúmsloftsins. Súrnun hafsins er mesta áhyggjuefnið en meiri öfgar í veðri og breytingar á búsetumöguleikum er annað.

Vísindamenn vara við því að stór hluti lífsins í hafinu verið dauður og tegundir horfnar í lok aldarinnar sem er matarkista mannkyns.

”By 2100, we could be heading towards a loss of life in our oceans that rivals some of the largest extinction events in Earth´s history if we don´t continue to tackle the climate catastrophe, new modeling” (https://www.sciencealert.com/we-re-pummeling-towards-a-dinosaur-ending-scale-mass-extinction-of-marine-life)  
“New research warns pressures of rising heat and loss of oxygen reminiscent of ‘great dying’ that occurred about 250m years ago” (https://www.theguardian.com/environment/2022/apr/28/global-warming-risks-cataclysmic-mass-extinction-marine-life )

 

1. Við höfum þegar náð 1.5 ° C hækkun hitastigs frá iðnbyltingu
2. 2° C hækkun  verður að veruleika eftir aðeins 7-10 ár og mannlegur máttur stoppar ekki atburðarásina eftir það – óafturkræfar og stjórnlausar breytingar
3. Útblástur CO2 er ekki línulegur vöxtur heldur stigvaxandi milli ára.
4. Stökkbreytingar í meðalhita sjávar frá því í mars á síðasta ári. Meðalhiti sjávar er nú 21.09C. Alla daga síðan 4. Maí 2023 hefur hitamet verið slegið og hafa vísindamenn nýlega áttað sig á því hvað veldur en lágskýjamyndun yfir höfunum hefur aukist verulega sem lokar af hita við sjóinn og veldur hlýnun.
5. CO2 og metan sem bundið er í sífrera norðursins er fjórum sinnum meira en allur slíkur útblástur af mannavöldum frá iðnbyltingu. Þetta ferli er hafið og kann að skýra aukningu CO2 í andrúmsloftinu og að viðnám hafsins sé komið á þolmörkum og hafið er að taka stökk í auknum meðalhita síðustu þrjú árin. Stórir gígar hafa myndast síðustu árin í sífrera svæðum norðursins vegna metansprenginga og mikið magn sleppur út í andrúmsloftið. Annað áhyggjuefni vísindamanna af bráðnun sífrerans er losun á gömlum vírusum sem gætu valdið drepsóttum. Vírusar geta legið í dái í langan tíma.
6. Mikil fjölgun skógar- og kjarrelda  síðustu árin eykur enn á CO2 útblásturinn.
7. Það er enn mikill vöxtur í notkun og brennslu jarðefnaeldsneytis í takt við fjölgun mannkyns og loftslagsráðstefnur hafa engu breytt.
8. Breytingar á straumum Atllantshafsins. Þegar hefur dregið úr Golfstraumnum um 10%
9. Súrnun sjávar og súrefnisskortur er stærsta vandamálið og stórfelldur fiskidauði þegsr líður á öldina
10. þá er gert ráð fyrir að sjávarmál hækki um 2.2m í lok aldarinnar samkvæmt https://www.climate.gov/news
11. Samkvæmt Unicef gæti allt að 2 milljarðar manna þurft að yfirgefa sitt landsvæði vega loftslagsbreytinga í lok aldarinnar og straumurinn til Evrópu yrði verulegur
12. Vaxandi skortur á drykkjarvatni, matvælaskortur, uppskerubrestur, þurrkar o.fl.

Í lok aldarinnar verður andrúmsloftið komið yfir öll hættumörk og skaðlegt heilsu allra. Þetta miðast við það að ekki takist að snúa þróuninni við en ef það tekst ekki á næstu 7-10 árunum þá verður þróunni ekki snúið við. Síðan eru ráðstefnurnar haldnar í olíuríkjunum sem menga mest og árangurinn enginn!

Maður heyrir fólk segja að loftslagsbreytingar hafi alltaf verið og við bara aðlögumst því og það sé allt of mikið gert úr vandanum. Málið er að vísindamenn og fjölmiðlar hafa ekki náð að koma kjarna málsins til fólks sem er dauði lífsins í hafinu innan aldar.

Grafið sýnir CO2 mettun andrúmsloftsins og hitt hafsins (https://www.nhm.ac.uk/)

Stríðsóður Pútín og ósannindin um NATO

Pútin fullyrðir að innrásin í Úkraínu hafi verið vegna útþenslu NATO sem vaxandi ógnar við Rússland. Þetta eru fullkomin ósannindi sem margir á Vesturlöndum hafa lapið upp eftir Rússunum.  Ástæðan er allt önnur. Eftir valdatöku Pútins 1999 gerði hann árás á Téténíu og lagði höfuðborgina Grozny í rúst og yfir 100 þúsund voru drepnir. Pútin hóf að fangelsa blaðamenn koma fyrir kattarnef öllum hugsanlegum óvinum og lét drepa þá olígarka sem hann taldi ekki hliðholla sér. Þetta framferði varð til þess að Austur-Evrópu löndin fóru að ókyrrast og óttast um framtíð sína enda slæm reynsla af valdatíð Rússanna. Þau sóttu um aðild að NATO eitt af öðru af ótta við yfirgang Rússanna og síðar Finnland og Svíþjóð af sömu ástæðu. Þetta öfluga bandalag lýðræðisríkja hefur haldið aftur af einræðisöflunum í heiminum og verið mesta framlag til friðar í heiminum.

1914 var tími stórveldanna. Í Austur Evrópu voru ýmiss minni ríki undir Rússum og Austurríki – Ungverjalandi en landslagið breyttist 1918 eftir tap Rússanna. Þjóðverjar frelsuðu fjölmörg lönd sem voru undir Rússum og hlutu þau sjálfstæði, Eystrasaltslöndin, Pólland, Úkraína og mörg önnur. Úkraína hélt sjálfstæðinu í tvö ár en þá réðust Rússar á Úkraínu og lögðu landið undir sig en þá var enginn sem kom þeim til hjálpar.

1939 gerðu þeir Hitler og Stalín Molotov-Ribbentrop samninginn um skiptingu Austur-Evrópu. Hitler tók vesturhluta Póllands og Litáen.  Rússar réðust á Finna og tóku hluta af landinu í hinu svonefnda „Vetrarstríði“ en Rússar misstu um 350 þúsund hermenn í því stríði. Eftir það, 1940 réðust þeir á Eystrasaltslöndin og lögðu undir sig. Síðan sveik Hitler samninginn og réðist á Rússana. Bandaríkjamenn aðstoðuðu Rússana við að sigra Hitler og sendu þeim 13.000 skriðdreka, 14.000 flugvélar, 400.000 jeppa og milljónir tonna af mat og búnaði. Án þess hefðu þeir gjör tapað stríðinu við Hitler. Rússar lögðu undir sig öll Austur-Evrópuríkin og Austur-Þýskaland. Þeir létu ekkert af hendi eftir stríðið og sendu milljónir í Gúlagið og í þrælavinnu og drápu milljónir manna. Þetta voru erfiðir áratugir fyrir þessar þjóðir sem voru undir hæl Rússanna.

Eftir fall Berlínarmúrsins, járntjaldsins 1989 og hrun Sovétríkjanna urðu þjóðaratkvæðagreiðslur í fjölmörgum ríkjum og vildu þau öll með yfirgnæfandi meirihluta fá sjálfstæði og komast undan Rússunum, t.d. kusu yfir 92% Úkraínumanna með sjálfstæði einnig í þeim héruðum sem Rússar segjast vera að frelsa. 1994 var gerður sérstakur samningur milli Breta, Bandaríkjamanna og Rússa. Rússar lofuðu að ráðast ekki á Úkraínumenn en Úkraínumenn þyrftu að láta af hendi öll sín kjarnavopn sem voru yfir 1000 sprengjur og Bandaríkjamenn og Bretar myndu verja landið en við það var ekki staðið. Rússar virða aldrei samninga.

Pútín heldur því fram að NATO hafi lofað að stækka ekki en engin gögn eru til um það því slíkt loforð var aldrei gefið. Austur-Evrópulönd vildu komast í skjól NATO vegna hræðilegrar reynslu af yfirgangi Rússanna og öll aðildarríkin þurftu að samþykkja aðildina.

2008 ráðast Rússar síðan á Georgíu og eyða borgum og drepa marga. 2014 risu Úkraínumenn upp gegn forseta landsins sem var hallur undir Rússa og flýði hann land og strax í kjölfarið réðust Rússar á Krímskagann og tóku án viðbragða Vesturlanda.

Rússar fara ekki leynt með það að þeir ætla sér að endurreisa Sovétríkin og leggja undir sig þau lönd sem þeir höfðu áður haft undir. Þetta er daglegur boðskapur á Rússneska ríkissjónvarpinu ásamt því að hóta að sprengja helstu borgir Evrópu með kjarnorkusprengjum. Áfall lífsins er hrun Sovétríkjanna að mati Pútíns og hans helsta markmið er að endurreisa þau. Hann hefur sjálfur sagt að það verði ekki samið um frið í Úkraínustríðinu svo ekki sé minnst á margra trilljóna virði í ónýttum auðlindum Úkraínu í jarðefnaeldsneyti og góðmálmum sem Pútin ásælist.

NATO er varnarbandalag lýðræðisríkja til að verjast yfirgangi einræðisríkja. Allt sem Rússar segja eru ósannindi. Ekki má gleyma því að Pútín er dæmdur og eftirlýstur stríðsglæpamaður og dagar hans verða senn taldir. Rússland stefnir í þrot. Engin viðskipti eru með Rúbluna og allar hagtölur falla eins og grjót. Hvert flýr Pútin? Fara þeir Assad saman til N-Kóreu?

Afi og amma Jesú Krists eða svo segir sagnfræðin

Í 250 þúsund ar hefur okkar tegund (Homo Sapiens) valsað um á Jörðinni. Talið er að síðustu 100 þúsund árin hafi 110 milljarðar manna lifað hér. Sögulegur tími nær 5500 ár aftur í tímann þar sem ritaðar heimildir gefa betri hugmynd um söguna. Á sögulegum tíma eru nöfn 3000 guða þekkt sem mannkynið hefur tilbeðið. Fjöldi sköpunarguða, her- og verndarguða, náttúruaflaguða, veður-, sjávar- og uppskeruguða. Nokkrir hafa dáið og risið upp frá dauðum eins Tammuz vorguðinn í Mesópótamíu, egypski guðinn Osiris. Norræni guðinn Óðinn sem dó með spjót í síðu sinni og hékk í trénu Yggdrasil og lifnaði síðan við og varð enn öflugri guð. Attis sonur rómversku gyðjunnar Cybele dó og reis upp frá dauðum. Súmerska gyðjan Inanna var hengd upp á tré, dó og fór niður til heljar og reis upp á þriðja degi og fleiri slíkar sögur eru til.

Fyrir um 3500 árum var guðinn El tilbeðinn í Mið-Austurlöndum. Kona hans var Ashera. Þau átti 70 syni sem voru stríðs- og verndarguðir ákveðinna landsvæða. Einn sonanna var Jahve (Yehova) verndarguð landsvæðisins sem við köllum í dag Palestínu. Forfeður Gyðinga tóku Jahve og gerðu að sínum guði, skaparaguði og bönnuðu tilbeiðslu á öðrum guðum eins og Baal bróður Jahve. Þessi guð Gyðinganna er einn algrimmasti allra þeirra 3000 guða sem mannkynið hefur tilbeðið. Hann á að hafa drepið nánast allt mannkynið í flóði, konur og börn, ófædd börn og fóstur. Hann skipaði Ísraelsmönnum að fremja þjóðarmorð, drepa alla íbúa landsins sem hann ætlaði Ísraelsmönnum, konur og börn, ófædd börn og fóstur. Hann fyrirskipaði að menn skuli drepnir fyrir að safna saman eldivið á hvíldardegi, lét drepa samkynhneigða. Fyrirskipaði þrælahald og barsmíðar á þrælum o.m.fl. Guð Nýja-testamennntisins er allt annar guð, uppfærsla af Jahve 2.0 eiginlega guð númer 3001. Yfir tveir milljarðar mann fylgja hinum kristna guði og túlkunin á því hver hann er og hvað hann vill hefur fætt af sér 45.000 ólíkar kirkjudeildir.

Guðinn El og kona hans Ashera eru því afi og amma Jesú frá Nazaret.

Menn segja að 2999 guðir séu mannlegur tilbúnaður en einn guðinn sé alvöru og það sé guð Biblíunnar.

Það hefur alltaf verið góð söluvar að bjóða eilífa æsku og eilíft líf. Það hefur alltaf heillað fólk að hafa vald yfir náttúruöflunum hvort sem það er Móse með staf í hendi og framkvæmir kraftaverk eða Harry Potter með staf í hendi og töfrar ótrúlega hluti. Alltaf metsölubækur.

Ef við hefðum ekki vísindi þá tækjum við skýringu Biblíunnar á sjúkdómum sem sannleikann, synd og illir andar en ekki bakteríur, veirur eða DNA vandamál.

Þetta vara svona pæling dagsins. Jörðin er átakasvæði hugmynda, alræðis, lýðræðis, frelsis og mannréttindi og átök ólíkra trúarhugmynda. Allt þetta nálgast endastöð ef ekki næst að snúa af braut koltvísýringseitrunar en breska náttúrufræðistofnunin gefur okkur minna en öld áður en fjöldadauði tegundanna er orðinn að veruleika og þar með okkar eigin tegund. Vísindalegar lausnir eru til það er bara lítil eftirspurn eftir þeim.

Fyrirbærið "ekkert“ er ekki til

Fyrirbærið „ekkert“ er ekki til

Alheimurinn er um 5% frumefni (stjörnur, plánetur), um 27% hulduefni og um 68% hulduorka. Hulduefnið er aðdráttarafl og heldur saman vetrarbrautum en hulduorkan þenur alheiminn út. Þetta tvennt eru andstæðir kraftar. Það er hægt að reikna út áhrif kraftanna en vísindin vita ekki hvað þetta er. Ef þessi 5% hið venjulega efni er tekið í burtu yrði alkul, almyrkur, enginn tími, engin hreyfing en samt væri 95% eftir af alheiminum og við myndum segja að þetta væri „ekkert“ eða eins og tíminn fyrir ofurhitann og útþenslu fiseinda fyrir 14 milljörðum ára. Hinn þekkti stjarneðlisfræðingur Brian Cox segir vaxandi fjölda vísindamanna á því að alheimurinn sé aðeins einn fasi af fyrirbærinu og líklega séu atburðir eins og gerðust fyrir 14 milljörðum ára alltaf að gerast og okkar sýnilegi alheimur sé eins og öldutoppur á óendanlegu úthafi eðlisfræðilegra krafta þar sem fyrirbærið ekkert er ekki til og alltaf eitthvað er til staðar sem hefur eðlisfræðileg lögmál. Breski Nóbelsverðlaunahafinn Roger Penrose er á sömu skoðun og telur að ævaforn og risastór svarthol sem eru í alheiminum séu frá fyrri alheimi. Hann telur kenninguna um Miklahvell þurfi endurskoðun því upphafið á núverandi alheimi sé allstaðar ekki upphaf í einum punkti. Hann segir að ef hægt væri að hoppa 46 milljarða ljósára í burtu í hvaða átt sem er eða að jaðri okkar sýnilega alheims verði upplifunin eins og hér og allt sé að fjarlægjast á vaxandi hraða frá þeim punkti. Ennfremur er komið í ljós að alheimurinn þenst ekki út á sama hraða allstaðar sennilega vegna ójafnrar dreifingar hulduorkunnar sem gerir útreikninga á aldri alheims erfiða.
Nóbelsverðlaun voru veitt fyrir að sýna fram á að tómarúm sem við gjarnan köllum ”ekkert” þ.e rými án efna ána fiseinda hefur þyngd sem vekur mikla furðu.

Það eru um 2 trilljónir vetrarbrauta í sýnilegum alheimi sem er aðeins lítið brot eða dropi í hafinu. Webb sjónaukinn hefur fundið nokkrar vetrarbrautir nánast jafn gamlar alheiminum, þær eru margfalt stærri en vetrarbrautin okkar en talið er að það taki milljarða ára að mynda slíkar vetrarbrautir. Þetta hefur sett vísindasamfélagið í uppnám. Erum við hugsanlega að sjá inn í annan alheim? Allavega kallar þetta á endurskoðun á upphafi alheims en það sem vitað er að alheimurinn var þéttur og ofurheitur á ákveðnum tímapunkti.

Brian Cox segir að það sé álit vísindamanna að um 5% sólkerfa í vetrarbrautinni geti borið líf eða um 20 milljarðar sólkerfa af 400 milljörðum sólkerfa í vetrarbrautinn. Stærstu þekktar vetrarbrautirnar eru með 10 trilljónum sólkerfa. Ef vitsmunalíf er sjaldgæft eða 1 á móti 20 milljörðum pláneta og við værum ein í vetrarbrautinn þá eru 2 trilljónir plánetna eins og jörðin í hinum vetrarbrautunum í hinum sýnilega alheimi sem hugsanlega að mati bestu vísindamanna er óendanlegur.

Fjölgun Jarðarbúa í fyrra var meiri en sem nemur öllum íbúum Bretlands

Fjölgun Jarðarbúa í fyrra var meiri en sem nemur öllum íbúum Bretlands.

Um aldamótin 1800 var íbúafjöldi jarðar um einn milljarður, 1974 fjórir milljarðar og í dag um 8,2 milljarðar. Gert er ráð fyrir að árið 2060 fari mannfjöldinn yfir 10 milljarða. Of margir óvissuþættir eru til staðar til að áætla mannfjölda í lok aldarinnar en hann gæti legið á bilinu 10-14 milljarðar. Þetta er samkvæmt mannfjöldaspá Sameinuðu þjóðanna. 2023 fæddust 134 milljón börn og 61 milljón manns dóu. Fjölgunin í fyrra var því 73 milljónir sem er meira en allir íbúar Bretlands (69m). Þesssi mikli fjöldi eykur álag á náttúruna því allir vilja síma, tölvur og önnur tól og tæki. Meiri neysla meiri mengun.

Stökkbreytingar í hækkun meðalhita sjávar

Ört hækkandi hitastig sjávar - Reykjavík eftir 75 ár!

 

Stökkbreytingar í hækkun meðalhita sjávar hafa orðið frá því í mars á síðasta ári og vísindamenn reyna að átta sig á því hvað veldur. Meðalhiti sjávar er nú 21.09C. Alla daga síðan 4. maí 2023 hefur hitamet verið slegið eins og grafið á myndinni sýnir. Gráu strikin á myndinni eru mælingar frá 1979 (https://climate.copernicus.eu)

Samkvæmt https://www.climate.gov/news þá er gert ráð fyrir að sjávarmál hækki um 2.2m í lok aldarinnar og um tæpa 4 metra árið 2150. Hækkandi hiti eykur rúmmál sjávar auk bráðnunar heimskautanna. Hvernig verður Reykjavík í lok aldarinnar? Sigla barnabörnin á gondólum um miðbæinn?